बाबुछोरा मिलेर भतिजाको हत्या

बैतडी, १८ माघ । दार्चुलामा बाबुछोरा मिलेर भतिजाको हत्या गरेका छन् ।

ग्वानी गाविस–४ का ६० वर्षीय करवीरसिंह धामी र उनका २२ वर्षीय छोरा केशवसिंह धामीले आइतबार राति २८ वर्षीय गोपालसिंह धामीको हत्या गरेको इलाका प्रहरी कार्यालय गोकुलेश्वर दार्चुलाले जनाएको छ ।

आइतबार साँझ अंशबण्डाको विवादपछि राति बाबुछोरा मिलेर भतिजाको कुटपिटपछि हत्या गरेको प्रहरीले जनाएको छ ।

हत्या गर्ने दुबैलाई सोमबार नियत्रणमा लिई थप अनुसन्धान भइरहेको जिल्ला प्रहरी कार्यालय दार्चुलाले जनाएको छ । रासस