काठमाडौं, १८ माघ । मुलुकको पछिल्लो राजनीतिक अवस्था र सरकारका विषयमा छलफल गर्न दोस्रो ठूलो सत्तारुढ दल एमाओवादीको पदाधिकारी बैठक बस्दैछ ।
मध्यान्ह १२ बजे पार्टी मुख्यालय कोटेश्वरमा बस्ने बैठकमा मधेसी मोर्चाको आन्दोलन र वार्ताका विषयमा पनि छलफल हुने बुझिएको छ ।
बैठकमा विशेष गरेर सरकारको कामकारबाही र त्यसलाई कसरी प्रभावकारी बनाउने भन्नबारेमा पनि छलफल हुनेछ ।
सरकारको कामकारबाहीप्रति असन्तुष्ट एमाओवादीले आफ्ना मन्त्रीहरूलाई जनताले राहत पाउने गरी काम गर्न निर्देशन दिइसकेको छ ।
एमाओवादीले आन्दोलनरत मधेसी र थारु आन्दोलनकारीको मागका विषयमा पनि कसरी अगाडि बढ्न सकिन्छ भन्ने विषयमा धारणा बनाउनेछ । उसले वार्तालाई अलि तीब्रताका साथ आगाडि बढाउन सरकारले दबाव दिने एक नेताले बताए ।
पदाधिकारी बैठक सक्किनेवित्तिकै एमाओवादीले पत्रकार सम्मेलन राखेको छ । पत्रकार सम्मेलन दुई बजेका लागि तोकिएको छ । पत्रकार सम्मेलनमा एमाओवादीले सरकारका विषयमा आफ्नो आधिकारिक धारणा दिने स्रोतको भनाइ छ ।
प्रतिक्रिया