काठमाडौं, ३० पुस । झण्डै ६ महिनापछि कक्षा ११ को नतिजा सार्वजनिक भएको छ ।
गत असार महिनामा सम्पन्न परीक्षाको ६ महिनापछि विहीबार उच्च माध्यमिक शिक्षा परिषदले नतिजा सार्वजनिक गरेको हो ।
नतिजाअनुसार परीक्षामा सहभागीमध्ये नियमित तर्फ ४९.२ प्रतिशत परीक्षार्थी उत्तीर्ण भएका छन् ।
परिषदले एक विषय लागेका परीक्षार्थीका लागि मौका परीक्षा माघ २९ गतेदेखि सञ्चालन गर्नेछ ।
संख्यामा नियमिततर्फ १ लाख १९ हजार ९ सय १६ जना परीक्षार्थी उत्तीर्ण भएका छन् । परिषद्का अनुसार परीक्षामा २ लाख ४३ हजार ७ सय ३१ परीक्षार्थी सहभागी भएका थिए ।
अघिल्लो वर्ष ४७. २६ प्रतिशत विद्यार्थी उत्तीर्ण भएका थिए । आंशिकतर्फ ३४ प्रतिशत विद्यार्थी उत्तीर्ण भएका छन् ।
आंशिकतर्फ ४३ हजार ९८३ जना पास भएको परिषदले जनाएको छ । आंशिकतर्फ १ लाख २६ हजार ९ सय ३० जना परीक्षार्थी सहभागी थिए ।
प्रतिक्रिया