संसदको बैठक सूचना टाँस गरी स्थगित, अर्को बैठक माघ ५ गते बस्ने

काठमाडौं, २८ पुस । भोलि बुधबारका लागि आह्वान गरिएको संसदको बैठक माघ पहिलो सातासम्मका लागि स्थगित भएको छ ।

संसद सचिवालयले आज सूचना टाँस गरेर माघ ५ गते दिउँसो १ बजेसम्मका लािग बैठक स्थगित गरेको हो । संसदमा संविधानसम्बन्धी संशोधन विधेयक र पुरक संशोध प्रस्तावमाथि छलफल हुने कार्यक्रम थियो ।

अब संविधान संशोधन विधेयकमा माघ ५ गते बस्ने बैठकमा छलफल हुनेछ । संसदको बैठक बुधबार दिउँसो १ बजेका लागि बोलाइएको थियो ।

सभामुख ओनसरी घर्ती आफ्ना बिरामी पति वर्षमान पुनलाई भेट्न बैँकक जानु भएको छ । उहाँ अब केही दिन उतै बस्ने स्रोतले जनाएको छ ।