सार्वजनिक मञ्चमै किन रोए अमेरिकी राष्ट्रपति ओबामा ? (फोटो र भिडियोसहित)

काठमाडौं, २२ पुस । विश्वकै शक्तिशाली राष्ट्र अमेरिकाका राष्ट्रपति बराक ओबामा एक सार्वजनिक कार्यक्रममै रोएका छन् ।

यस्तो घटना विश्वमा विरलै हुन्छ । जब कुनै राष्ट्रप्रमुख सार्वजनिक कार्यक्रममा भावुक बनेका हुन् । ओबामा अमेरिकामा अन्धाधुन्ध दुरुपयोग भइरहेको बन्दूक नियन्त्रणमा लिने आफ्नो योजना सार्वजनिक गर्ने क्रममा रोएका हुन् ।

अनियन्त्रित बन्दूककै कारण अनाहकमा दिन प्रतिदिन अमेरिकी नागरिकले ज्यान गुमाउँदा पनि नियन्त्रणका लागि कानून बनाउन कंग्रेसले नसघाएपछि ओबामा आँसु झार्दै रोएका हुन् । कार्यक्रममा निकै भावुक देखिएका ओबामाले अब कारवाही नगर्ने कुनै बहाना स्वीकार्य नहुने चेतावनी दिए ।

ओबामाले भने–‘अब बन्दूक राख्नेको पृष्ठभूमि परीक्षणका साथै मानसिक स्वास्थ्य र अपराधको इतिहास केलाउने नियम पनि बनाइनेछ ।’ बन्दूकको व्यापारीहरुले कंग्रेसलाई बन्धक बनाएपनि अमेरिकालाई बन्धक बनाउन नसक्ने ओबामाको चेतावनी छ ।

बन्दूक बन्देज कानून ल्याउन अमेरिकाको संसद बाधक बनेपछि राष्ट्रपतीय अधिकार प्रयोग गर्दै ओबामाले कार्यपालक आदेशमार्फत् यो कानून ल्याएका हुन ।

आफ्नो बाँकी एक वर्षे कार्यकालमा अमेरिकालाई बन्दुक नियन्त्रित देश बनाउने योजना ओबामाको रहेको छ । (एजेन्सीको सहयोगमा)

भिडियो हेर्न यहाँ क्लिक गर्नुस्ः