काठमाडौं, ६ मंसिर । इएल क्लासिको भीडन्तमा घरेलु टोली रियल मड्रिड प्रतिस्पर्धी टिम बार्सिलोनासँग नराम्रोसँग हारेको छ ।
शनिबार राति रियलको घरेलु मैदान बेर्नाबाउमा भएको भीडन्तमा ४-० गोलको जित निकाल्दै बार्सिलोनाले रियललाई नराम्रो हार मात्रै चखाएन् फराकिलो अंकले लिग लिडर समेत बन्यो । बार्सिलोनाले रियल भन्दा ६ अंक अग्रता लिँदै शीर्ष स्थानलाई बोलियो बनाएको छ ।
बार्सिलोनाका लागि लुइस स्वरेजले दुई गोल गरे । झण्डै दुई महिनापछि मैदान फर्किएर पनि सुरुमा बेन्चमा बसेका लिओनल मेस्सीले गोल भने गरेनन् । ११ औं मिनेटमा स्वरेजले गोल गर्दै टोलीलाई अग्रता दिलाए र सुरुवातैबाट घरेलु टोली दबावमा पर्यो । ३९ औं मिनेटमा नेयमारले गोल गरेपछि बार्सिलोना पहिलो हाफमा २-० को लिन सफल भयो ।
५३ औं मिनेटमा आन्द्रे इनिष्टाले गोल गरे । ५७ औं मिनेटमा राकिटिकको स्थानमा मेस्सी मैदान प्रवेश गरे । ७४ औं मिनेटमा स्वरेजले गोल गरेपछि बार्सिलोना ४-० को अग्रता लिन सफल भयो ।
१० मिनेटपछि इस्कोले रातो कार्ड पाएपछि रियल मड्रिडले इएल क्लासिको भिडन्तको दुःखद अन्त्य ग¥यो । यो रियल मड्रिडको घरेलु मैदानमा २३ खेलमा पहिलो हार हो । रियलको १२ खेलबाट २४ अंक छ भने लिग लिडर बार्सिलोनाको ३० अंक भएको छ ।
प्रतिक्रिया