बालिका बलात्कार गर्ने मन्दिरका पुजारीको जेलमा मृत्यु

– शिबलाल सुबेदी
गुल्मी, १२ कात्तिक । जिल्ला कारगार गुल्मीमा एक कैदीको मृत्यु भएको छ ।

गतबर्ष १२ बर्षका लागि जेल चलान भएका जोहाङ्गका ७२ बर्षिय खिमानन्द अर्यालको मृत्यु भएको जिल्ला प्रहरी कार्यलय गुल्मीले जनाएको छ । जिल्ला प्रहरी कार्यलय गुल्मीका प्रहरी निरिक्षक रामप्रकाश पौडे्लका अनुसार बुधवार साँझ खाना खाएर सुतेका अर्याल बिहीवार बिहान उठेर पण्डित भएकाले बिहानको नृयकर्म गरेर पुनः सुतेका थिए ।

आफूले पुजापाठ गर्ने स्थानीय मन्दिरमा एक युवतीलाई जबरजस्ती करणी गरेको अभियोगमा अर्याल २०७० चैत १० गते जिल्ला कारागार गुल्मीमा चलान भएका थिए । जिल्ला कारगार गुल्मीका प्रमुख गोपाल प्रसाद पाण्डेका अनुसार अर्का कैदी एकुराज भण्डारी र खिमानन्द अर्याल नाताले मामा भाज्जा पर्ने सगै सुत्ने र बिहान उठेर सगै नृत्यकर्म गर्ने बताउनुभयो ।