झारीपिपलाडीको बम सेनाद्वारा निस्कृय

– डम्मरराज भट्ट

महेन्द्रनगर, ९ कात्तिक । कञ्चनपुरको झलारीपिपलाडी नगरपालिका–५ बन समितिमा भेटिएको प्यारा बमलाई नेपाली सेनाको टोलीले निस्कृय बनाएको छ ।

आइतबार दिउँसो बन समितिका स्थानीय दीपक भट्टको खेतमा भेटिएको बम नेपाली सेनाको श्री २५ बाहिनी र हनुमानध्वन गुल्मको बम डिष्पोजल टोलीले आइतबार राति निस्कृय पारेको हो ।

हनुमानध्वज गुल्मका गुल्मपति सेनानी विष्णु थापाले सेनाले उक्त बेवारिसे अवस्थामा रहेको बम निस्कृय पारेको जानकारी दिनुभयो ।

इलाका प्रहरी कार्यालय झलारी प्रहरी निरीक्षकले ज्ञानबहादुर सेटीले बम द्वन्द्वकालमा छाडिएको हुनसक्ने आशंका गर्नुभएको छ ।