कृष्ण महराको नेतृत्वमा सरकारमा जाने एमाओवादीको निर्णय

काठमाडौं, २८ असोज । एकीकृत नेकपा माओवादीले महासचिव कृष्ण बहादुर महराको नेतृत्वमा सरकारमा जाने निर्णय गरेको छ ।

विहीबार विहान बसेको स्थायी समिति बैठकले महासचिव महरालाई उपप्रधान तथा गृहमन्त्री बनाएर सरकारमा पठाउने निर्णय गरेको बैठकमा सहभागी एक नेताले जानकारी दिनुभयो ।

बैठकले ओनसरी घर्तीलाई सभामुखको उम्मेदवार बनाउने निर्णय गरेको छ । बैठकले अन्य मन्त्रीहरु छान्ने अधिकार पार्टी अध्यक्ष पुष्पकमल दाहाल प्रचण्डलाई दिएको छ ।