एमाले सरकारमा जाँदैन : मन्त्री पण्डित

काठमाडौं, १८ असोज । सामान्य प्रशासनमन्त्री लालबाबु पण्डितले विगतमा भएको १६ बुँदे सहमतिअनुसार नयाँ सरकार गठन नभए नेकपा (एमाले) सरकारमा नजाने बताउनुभएको छ ।

रफत सञ्चार क्लबको साक्षात्कार कार्यक्रममा उहाँले सहमतिविरुद्ध गएर नेपाली काँग्रेस आफैले सरकारको नेतृत्व दोहो¥याउने र एमालेलाई सरकारको नेतृत्व नदिने षडयन्त्रमा लागेको उहाँले आशङ्का व्यक्त गर्नुभयो ।

मन्त्री पण्डितले भन्नुभयो, “संविधान जारी भएपछि एमालेको नेतृत्वमा सहमतीय सरकार बनाउने सहमति भए पनि अहिले सहमतीय सरकार गठन नगरी बहुमतीय प्रणालीमा गएर एमालेलाई सरकारको नेतृत्व नदिने षडयन्त्र सुरु भएको छ, यसो भयो भने एमाले सरकारमा जाँदैन, प्रतिपक्षमा बस्छ ।”

राष्ट्रपतिले सात दिनको समय दिएपछि राजनीतिक धु्रवीकरण बढेको चर्चा गर्दै उहाँले अब सहमतिको सरकार गठन हुने सम्भावना नरहेको बताउनुभयो ।

उहाँले नेपालको संविधान विश्वकै सर्वाेत्कृष्ट रहेको दाबी गर्दै नेपालको संविधान कुनै विदेशी नागरिकका लागि नभएकाले यसमा अन्य राष्ट्रले टाउको दुखाउन नहुने जिकिर गर्नुभयो । अब चीनबाट अत्यावश्यक सामग्री ल्याउन पहल सुरु भइसकेको बताउँदै मन्त्री पण्डितले भन्नुभयो, “भारतले अघोषित नाकाबन्दी लगायो, त्यसले नेपालीलाई आत्मनिर्भर बन्न अभिप्रेरित गरेको छ,  उत्तरतर्फको नाका खोल्न पनि सरकार लागिपरेको छ, ।” रासस