महोत्तरी, १३ असोज । संयुक्त लोकतान्त्रिक मधेसी मोर्चाका कार्यकर्ताले महोत्तरीको रामनगरस्थित एभरेष्ट सुगर मिललाई अनिश्चितकालको लागि बन्द गरेको छ ।
सिमाङ्कनको विरोधमा ४७ दिनदेखि आन्दोलनमा उत्रेका मधेसी मोर्चाका कार्यकर्ताले आज बिहान चिनी मिलको तीनवटै द्वारमा टायर बालेर मिलको हरेक कामकाज बन्द गराएका हुन् ।
उनीहरुले मिलको मुलद्वारलगायत अन्य द्वारमा कालो झण्डा गरेर अनिश्चिकालीन मिलमा काम बन्द गर्ने निर्णय गरेका हुन् ।
मिल बन्द गराएको कार्यकर्ताले मिलमा कार्यरत रहने कामदारलाई समेत घर फर्काइएको हो । विसं २०५० मा एभरेष्ट सुगर मिल नेपालकै उत्कृष्ट चिनी मिलमध्येको एक रहेको छ । रासस
प्रतिक्रिया