काठमाडौं, ८ असोज । नेपालको संविधान २०७२ अनुसार राष्ट्रपति डा. रामवरण यादवले संसदको हिउँदे अधिवेशन आह्वान गर्नुभएको छ ।
नेपालको संविधान २०७२ प्रारम्भ भएपछि राष्ट्रपतिले पहिलो पटक संसदको बैठक आह्वान गर्नुभएको हो ।
संसदको बैठक असोज १५ गते शुक्रबार दिउँसो एक बजेका लागि अधिवेशन आह्वान गरिएको राष्ट्रपति कार्यालयद्वारा आज (शुक्रबार) जारी विज्ञप्तिमा उल्लेख छ ।
नेपालको संविधान, २०७२ को धारा २९६ को उपधारा (६) अनुसार प्रधानमन्त्रीको सिफारिसमा राष्ट्रपतिले व्यवस्थापिका संसद्को अधिवेश आह्वान गर्नुभएको हो ।
संविधानको धारा २९८ बमोजिम प्रधानमन्त्री चयनका साथै नयाँ सरकार गठनको मार्ग प्रशस्त गर्न संवैधानिक प्रावधानअनुसार संविधान जारी भएको सात दिनभित्र व्यवस्थापिका संसद् बैठक आह्वान गर्नुपर्नेछ ।
प्रतिक्रिया