रौतहटमा मधेसी मोर्चाका पाँच नेता पक्राउ, प्रहरी हत्याबारे अनुसन्धान हुँदै

रौतहट, २८ भदौ । हिंसात्मक आन्दोलनमा प्रमुख भुमिका खेलेको आरोपमा संयुक्त लोकतान्त्रिक मधेसी मोर्चाका पाँच नेतालाई प्रहरीले रौतहटबाट पक्राउ गरेको छ ।

सोमबार प्रहरीले रौतहटको गौर नगरपालिका कार्यालय क्षेत्रबाट फोरम लोकतान्त्रिकका अजय गुप्ता, सदभावना पार्टीका शेष जमसेद, तमलोपाका अनिल सिंह, फोरम नेपालका राम किशोर यादव र रामेश्वर प्रसाद यादवलाई पक्राउ गरेको हो ।

पक्राउ परेका मधेसी नेतालाई हिरासतमा राखेर एम्बुलेन्सबाट थुतेर लखेटी लखेटी हत्या गरिएको असई थमन बहादुर विक घटनाबारे अनुसन्धान भइरहेको प्रहरीले जनाएको छ ।

उनीहरु सबै तराईमा आन्दोलनरत मधेसी मोर्चाका जिल्ला नेता हुन् । आइतबार मात्रै पूर्व मन्त्रीसहित मधेसी मोर्चाका ३५ नेता प्रहरीको निगरानीबाट बच्न भारतको शरणमा गएका थिए ।