काठमाडौं, ११ भदौ । उपप्रधान एवम् स्थानीय विकासमन्त्री प्रकाशमान सिंह र बेलायती विकास राज्यमन्त्री डेसमोन्ड स्वाइनबीच भेटवार्ता भएको छ ।
सिंहदरबारस्थित सिंहको कार्यकक्षमा आज भएको भेटवार्तामा संविधान निर्माण, नेपालको पछिल्लो राजनीतिक अवस्थालगायतका विषयमा बेलायती राज्यमन्त्री स्वाइनले चासो राखेको सिंहका प्रेस सहयोगी यूपी लामिछानेले जानकारी दिनुभयो ।
भेटका क्रममा राज्यमन्त्री स्वाइनले भूकम्पपछिको नेपालको पुनःनिर्माणका सम्बन्धमा भएका गतिविधिका विषयमा समेत जानकारी लिनुभएको थियो ।
पुनःनिर्माण प्राधिकरणले सुरु गरेको कामका विषयमा पनि स्वाइनको चासो राख्नुभएको थियो । उहाँले आगामी दिनमा पनि नेपालको विकासमा सहयोग गर्ने आश्वासन दिनुभएको लामिछानेले बताउनुभयो ।
स्थानीय विकासमन्त्री सिंहले बेलायतबाट हालसम्म भएको सहयोगको सराहना गर्दै आगामी दिनमा पनि सहयोगको अपेक्षा गरेको बताउनुभयो ।
मन्त्री सिंहले बेलायतको सहयोगका लागि राज्यमन्त्री स्वाइनलाई धन्यावादसमेत दिनुभएको छ ।
प्रतिक्रिया