काठमाडौं, ८ असार । सरकारले भूकम्पपीडितलाई ट्याक्सी दर्ता गरी चलाउन दिने भएको छ ।
भौतिक पूर्वाधार तथा यातायात मन्त्रालयले भूकम्पप्रभावित १४ जिल्लाका बासिन्दालाई यो सुविधा दिने जनाएको छ ।
तर, यसरी जम्मा ५ सय वटा नयाँ ट्याक्सी मात्र दर्ता गर्न पाइनेछ ।
यसका लागि भूकम्पपीडितसँग बी वर्ग (कार, जिप, डेलिभरी र भ्यान) को सवारी चालक अनुमति पत्र हुनु पर्ने छ ।
मन्त्रालयको यातायात व्यवस्था शाखाका अनुसार यसरी राहतमा ट्याक्सी चलाउन पाउने सुविधा काठमाडौं उपत्यकामा मात्र लागु हुने समाचार कान्तिपुर दैनिकले छापेको छ ।
यातायात मन्त्रालयका अनुसार यसका लागि १५ दिनको सुचना दिई एक परिवार, एक चालक, एक ट्याक्सीको दरले पहिलो निवेदन दर्ता गर्नेलाई पहिलो प्राथमिकताको आधारमा ट्याक्सी दर्ता गरि संचालन गर्न सुविधा दिइनेछ ।
यसका लागि भूकम्पपीडितको परिचय पत्र पनि आवश्यक पर्नेछ ।
यो सुविधा कहिलेदेखि सुरु हुनेछ भन्ने मन्त्रालयले जानकारी दिएको छैन ।
प्रतिक्रिया