सर्पले टोक्दा रौतहटमा एक बालिकाको ज्यान गयो

रौतहट, १९ जेठ । विषालु सर्पको टोकाइबाट आज रौतहटको औरैया गाविसमा एक बालिकाको मृत्यु भएको छ ।

औरैया गाविस–६ का जयराम पासवानको १० वर्षीया छोरी काजल कुमारीको सर्पको टोकाइबाट मृत्यु भएको जिल्ला प्रहरी कार्यालयले जनाएको छ ।

घरमा खेलिरहेको समयमा काजलको हातमा सर्पले डसेको थियो । बालिकालाई उपचारका लागि अस्पताल नलगी झाँक्रीबाट झारफुक गराउँदा मृत्यु भएको जिल्ला प्रहरी कार्यालयले जनाएको छ । रासस