काठमाडौँ, १९ जेठ । भारतबाट आएको राहत व्यापारीले गोदाममा हालेपछि प्रहरीले नियन्त्रणमा लिएको छ ।
काठमाडौँ महानगरपालिका–९ सिनामंगल स्थित झापा जुटपानी–६ घर भएका नवराज शर्माले भारत चण्डीगढबाट ५६५ बण्डल त्रिपाल खरिद गरी गोदाममा ट्रकबाट पाल खसालेपछि प्रहरीले ट्रक नियन्त्रणमा लिएको केन्द्रीय प्रहरी समाचार कक्षले जनाएको छ ।
गोदाममा राहत देखेपछि स्थानीय बासिन्दाले राहतको हुन सक्ने भनी छानविन गरिपाउँ भनी मौखिक उजुरी गरेकोले प्रहरीले अनुसन्धानको लागि ना.४ ख ४११६ नम्वरको पाल सहितको ट्रकलाई नियन्त्रणमा लिएको हो ।
प्रतिक्रिया