काठमाडौं, १ जेठ । राजधानीको थलीमा राहतको पाल प्रहरीले व्यापारीलाई बिक्री गर्न दिएको भन्दै स्थानीय वासिन्दाले प्रहरी चौकी थलीमा ढुंगामुढा गरेका छन्।
स्थानीय जैसवाल ईन्टरपाईजेजका व्यापारी गणेश जैसवालले महँगोमा पाल बिक्री गरेपछि स्थानीयले कालोबजारी गरेको भन्दै कुटपीट गर्न खोजेपछि प्रहरीले पक्राउ गरेको थियो।
जैसवाललाई बुधबार पक्राउ गरेर महानगरीय प्रहरी वृत्त बौद्धमा लैजाने क्रममा स्थानीयले प्रहरीमाथि नै जाईलागेको अन्नपूर्ण पोष्ट दैनिकले छापेको छ ।
प्रहरी चौकी थलीका तत्कालीन ईन्चार्ज प्रहरी नायब निरिक्षक मधु अर्यालले राहतको पाल जैसवाललाई बिक्री गर्न दिएको आरोप स्थानीयको छ।
स्थानीयले केरकार गरेपछि जैसवालले जोरपाटीबाट प्रहरीले दिएको स्वीकार गरेको जानकारी थलीका शिव वस्नेतले दिए।
प्रतिक्रिया