मेस्सीको गोलमा बार्सिलोना विजयी, ४०० सय गोलको रेकर्ड पूरा

काठमाडौं, ५ वैशाख । यो सिजनको स्पेनिस ला लिगा फुटबल प्रतियोगितामा बार्सिलोना उपाधिको नजिक पुगेको छ । विश्व फुटबल स्टार तथा स्ट्राइकर लिआनल मेस्सीले ४०० औं गोलको मद्दतमा बार्सिलोनाले उपाधि नजिक पुगेको हो ।

बार्सिलोनाले शनिबार भएको खेलमा भ्यालेसिन्यालाई २–० गोल अन्तरले पराजित गर्दै उपाधि लक्ष्य जिवितै राखेको हो ।

घरेलु मैदानमा शनिवार दिउँसो भएको खेलमा बार्सिलोनाका लागि पहिलो मिनेटमा लुइस स्वरेजले गोल गरेका थिए । त्यसपछि पनि भ्यालेन्सियाले बराबरी गोल फर्काउन निकै प्रयास गरेपनि खेलको अन्तिम मिनेटमा मेस्सीले गोल गर्दै बार्सिलोनालाई जित दिलाए ।

नेयमारको लामो पासमा मेस्सीले वान भर्सेज वानको अवस्थामा बल पाए । उनको पहिलो प्रहार भ्यालेन्सियाका गोल रक्षकले रोक्ने प्रयास गरे । तर, उनको हातमा लागेको बलमा मेस्सीले गोल गरे ।

यो जित सँगै लिग लिडर बार्सिलोनाले दोस्रो स्थानमा रहेको रियल मड्रिडसँग ५ अंकको फराकिलो अग्रता कायमै राखेको । यद्यपि रियलले एक खेल्न बाँकी छ ।

यो गोलसँगै मेस्सीले बार्सिलोनाका लागि ४७१ खेलमा ४०० गोल गरेका छन् । जितसँगै बार्सिलोनाको ३२ खेलबाट ७८ अंक पुगेको छ । दोस्रो स्थानमा रहेको रियल मडि«डको ३१ खेलबाट ७३ अंक छ ।