सङ्घीयताविरुद्धको ‘तराई पहाड हिमाल जोडौँ अभियान’ महेन्द्रनगरबाट सुरु

कञ्चनपुर, २ वैशाख । सङ्घीयताविरुद्धको तराई पहाड हिमाल जोडौँ अभियान आज कञ्चनपुरको महेन्द्रनगरबाट सुरु भएको छ ।

राष्ट्रिय जनमोर्चा नेपालको भ्रातृ सङ्गठन अखिल छैटौँले सुदूरपश्चिमाञ्चल विश्वविद्यालयबाट अभियान सुरु गरेको हो ।

तराईदेखि हिमालसम्मका बासिन्दाबीचको सद्भाव एकतालाई बलियो बनाई विखण्डनलाई परास्त गर्न अभियानको सुरुवात गरिएको अखिल छैटौँका महासचिव विमल पौडेलले बताउनुभयो ।

“राष्ट्रिय अखण्डता कायम गर्ने कार्यका लागि जनचेतना फैलाएर जनतालाई सचेत पार्न र सङ्घीयताविरुद्ध जनमत तयार गर्न अभियानको सुरुवात गरेका हौँ” उहाँले भन्नुभयो ।

अभियान कञ्चनपुरबाट सुरु भई कैलाली, डडेल्धुरा, बैतडी, डोटी, बझाङ, बाजुरा, अछाम हँुदै वैशाख १० गते दार्चुला पुगेर समापन गरिने छ ।

अभियानमा छ दर्जनभन्दा बढी विद्यार्थीको सहभागिता रहेको बताइएको छ । रासस