नयाँदिल्ली, ३ चैत । भारतका क्रिकेटर सुरेश रैनाले विवाह गर्न लागेको खबरहरु सार्वजनिक भएका छन् ।
विश्वकप क्रिकेट खेल्न दुई महिनादेखि अष्ट्रेलियामा रहेका क्रिकेटर रैनाको भारतमा विवाह तयारी भइरहेको जनाइएको छ ।
उनले प्रियंका चौधरीसंग विहे गर्न लागेका हुन् । प्रियंका नेदरल्यान्ड्सकी सुन्दर युवती हुन् । पेसाले बैंकर प्रियंका परिवारमा सबैभन्दा कान्छी छोरी हुन् । उनी नेदरल्यान्ड्सको आम्सर्टडम स्थित एक बैंकमा काम गर्छिन् ।
प्रियंकाका र रैनाकी आमा साथी भएकाले यो सम्बन्ध जोडिन लागेको हो । विवाह गर्ने खबरसंगै प्रियंका अहिले आफ्नो विवाहको तयारीका किनमेलमा व्यस्त रहेको भारतीय सञ्चारमाध्यमले जनाएका छन् ।
भर्खरै अष्ट्रेलियामा रैनाले जिम्बावे विरुद्धको खेलमा शतक हानेका थिए ।
रैना अहिले पनि अष्ट्रेलिया मै छन् । उनी विश्वकप सकेर घर आएपछि विवाह गर्ने परिवारले जनाएका छन् । यसअघि रैना भारतकी नायिका श्रति हसनसंग प्रेम सम्बन्धमा थिए ।
प्रतिक्रिया