सोलुखुम्बु, २६ फागुन । सोलुखुम्बुमा अघिल्लो वर्षको तुलनामा यो वर्ष नेपाल सरकारबाट अनुदान प्राप्त आयोडिन नुन खपतमा कमी आएको छ ।
भौगोलिक विकटताका कारण जिल्लाका कतिपय गाविसमा नुन ढुवानी गर्न नसक्नुले खपतमा कमी आएको हो ।
साल्ट ट्रेडिङ कर्पोरेसन डिपो कार्यालय सोलुखुम्बुमा रहेको जम्मा ९६६ क्विन्टल नुनमध्ये हालसम्म १८४ क्विन्टल मात्र बिक्री–वितरण भएको कर्पोरेसन डिपो कार्यालयका प्रमुख श्याम शाहले जानकारी दिनुभयो ।
तीस गाविस तथा एक नगरपालिका रहेको सोलुखुम्बुमा दूधकुण्ड नगरपालिकाबाहेक अरू गाविसमा नुन खपत हुन नसकेको प्रमुख शाहको भनाइ छ ।
प्रतिघरधुरी चार पान कोटा निर्धारण गरिएको भए पनि दुर्गम गाविसका सर्वसाधारण आयोडिन नुन उपयोग गर्नबाट वञ्चित भएका छन् ।
प्रतिक्रिया