गौशाला, ५ फागुन । महोत्तरी प्रहरीले मंगलबार बिहान जिल्लाको बर्दिबासबाट लागुऔषधसहित एक महिलालाई पक्राउ गरेको छ ।
पक्राउ पर्नेमा जिल्लाको गौशाला नगरपालिका–२ बस्ने ४० वर्षीया रेखा साह सुडी रहेको जिल्ला प्रहरी कार्यालय महोत्तरीले जनाएको छ ।
हेटौँडाबाट बर्दिबास झरेकी सुडीलाई शङ्का लागेर जाँच गर्दा गाँजासहित पक्राउ गरिएको प्रहरी नायब उपरीक्षक लोकेन्द्र श्रेष्ठले बताउनुभयो ।
इलाका प्रहरी कार्यालय बर्दिबासबाट खटिगएको प्रहरी टोलीले सुडीको साथबाट पाँच किलो ५०० ग्राम लागुऔषध गाँजा बरामद भएको प्रहरी नायब उपरीक्षक श्रेष्ठले बताउनुभयो ।
पक्राउ परेकी सुडीलाई इलाका प्रहरी कार्यालयमा राखी आवश्यक अनुसन्धान भइरहेको प्रहरीले जनाएको छ ।
प्रतिक्रिया