मंगलबार एकै दिन सुन तोलाको १७ सयले बढ्यो

काठमाडौँ, १६ मंसिर ।  नेपाली बजारमा मंगलबार सुनको भाउ तोलामा १७ सयले बढेको छ ।

नेपाल सुनचाँदी व्यवसायी महासंघले दिएको जानकारी अनुसार मंगलबार  सुन तोलाको ५१ हजार ५ सय रुपैयाँमा कारोबार भैरहको छ । सोमबार सुन तोलाको ४९ हजार ८ सय रुपैयाँमा कारोबार भएको थियो ।

संघले दिएको जानकारी अनुसार मंगलबार नेपाली बजारमा चाँदीको भाउ पनि तोलामा ४० रुपैयाँले बढेको छ ।चाँदी तोलाको ७ सय ५ रुपैयाँमा किनबेच भइरहेको महासंघले जनाएको छ ।