सुनको भाउ मंगलबार एकै दिन आठ सयले सस्तियो

काठमाडौँ, २५ कात्तिक । आइतबार एकै दिन तोलामा १५ सयले बढेको सुनको भाउ फेरि ओरालो लागेको छ ।

नेपाल सुन चाँदी व्यवसायी संघले दिएको जानकारी अनुसार मंगलबार सुनको भाउ आठ सय रुपैयाँ घटेर तोलाको ४९ हजार पाँच सय रुपैयाँ कारोबार भइरहेको छ ।

आइतबार सुन तोलाको ५० हजार ५ सय रुपैयाँले कारोबार भएको थियो ।  सोमबार सुन  तोलामा दुई सय रुपैयाँ घटेको थियो ।

डलर बलियो बनेपछि सुनको मूल्य सस्तिएको व्यवसायीहरुले बताएका छन् । चाँदीमा पनि तोलामा १० रुपैयाँ घटेर ६७५ रुपैयाँमा कारोबार भइरहेको संघले जनाएको छ ।