ठुलो परिमाणमा बेवारिसे काठ वरामद

अनिल खत्री

गुल्मी, ७असोज । जिल्ला प्रहरी कार्यालय गुल्मीले रेसुङ्गा नगरपालिका अन्तरगत सिमीचौर गाउँवाट सोमबार बेलुका ठुलो परिमाणमा काठ बरामद गरेको छ ।

जिल्ला प्रहरी कार्यलय गुल्मीका प्रहरी निरीक्षक महेन्द्र नेपालका अनुसार सिमीचौरको ओमलाईट वोर्डिङ्ग स्कुल नजिकै वेवारिसे अवस्थामा रहेको  सल्लाको ४२ थान काठ बरामद गरिएको हो ।

काठ बेवारिसे आस्थामा फेला परेको र हालसम्म कसैले दावी नगरेको बताइएको छ । बरामद गरिएका काठ जिल्ला वन कार्यालय गुल्मीलाई बुझाएको जिल्ला प्रहरी कार्यालय गुल्मीले जनाएको छ ।

सिमीचौरका दुई वटा सामुदायिक वनमा काठ तस्करी भएको भन्दै मुद्धा परेको थियो ।

दुई  मध्ये एउटा सामुदायिक वनको जिल्ला वनमा र अर्काको अदालतमा मुद्धा परेको वन कार्यालयका अधिकृत कर्णबहादुर पाण्डेले बताए ।

जिल्लामा रातौंरात काठ ओसार पसार हुने र मिलोमोतोमा तस्करी बढ्ने गरेको सर्वसाधरणको आशंका छ ।