पोखरा, ५ असोज । पोखरा विश्वविद्यालय (पियु) का करारका शिक्षक र कर्मचारीको आन्दोलनका कारण पोखरा विश्वविद्यालय तनावग्रस्त बनेको छ ।
आफुहरुलाई बिना जानकारी हटाइएको भन्दै उनीहरुले आन्दोलनका क्रममा आइतबार पियु केन्द्रीय कार्यालयलगायत विभिन्न कार्यालयको भवनमा तोडफोड गरेका छन् ।
आन्दोलनकारीले उपकुलपति, रजिष्ट्रार तथा डिन कार्यालयमा तोडफोड गरेका छन् ।
पियु कार्यकारी परिषद्ले ९५ करारका शिक्षक तथा ६ कर्मचारीलाई हटाएको भन्दै उनीहरु आन्दोलित भएका हुन् । सुरुमा नाराबाजी गरेका उनीहरु पछि तोडफोडमा उत्रिएपछि ब्यापक प्रहरी परिचालन गरिएको छ ।
१ देखि ७ बर्षसम्म काम गर्दै आएका शिक्षक र कर्मचारीलाई हटाउने निर्णय गरेपछि आन्दोलनमा उत्रिएको उनीहरुको भनाई छ ।
पियु प्रशासनले भने करारका शिक्षक कर्मचारीलई हटाएको नभई प्रकृया मिलाउने मात्र भनिएको बताएको छ ।
प्रतिक्रिया