काठमाडौं, २१ भदौ । कांग्रेसका प्रमुख सचेतक चीनकाजी श्रेष्ठले नयाँ संविधानका विवादित विषयमा सहमतिका लागि दलहरुबीच गम्भीर छलफल भइरहेको भन्दै कार्यकतालिका हेरफेरको पक्षमा नरहेको बताएका छन् ।
उनले भने, ‘संविधानका मुख्य अन्तरवस्तुहरु राज्यको पुनःसंरचना, शासकीयस्वरुप, न्यायप्रणाली, निर्वाचनप्रणाली सहमतिमा पुग्न संविधानसभा भित्र र बाहिर रहेका दलहरुबीच छलफल भइरहेको छ ।’
क्यान्सर काउन्सिल नेपालद्वारा क्यान्सर रोग रोगथामसम्बन्धी आज राजधानीमा आयोजित कार्यक्रममा उनले संविधानसभा कार्य तालिकाअनुरुप हालसम्म काम भइरहेको हुँदा कार्यतालिका हेरफेर गर्ने पक्षमा आफ्नो पार्टी नरहेको बताए ।
संवैधानिक राजनीतिक संवाद तथा सहमति समितिले शनिबारसम्ममा नयाँ संविधानका सहमतिका प्रतिवेदन तथा असहमतिका प्रतिवेदन तयार पार्ने विश्वास प्रमुख सचेतक श्रेष्ठले व्यक्त गरे ।
प्रतिक्रिया