घुस लिँदालिँदै बिमानस्थलका इन्स्पेक्टर पक्राउ

काठमाडौं, ३ भदौ । त्रिभुवन बिमानस्थलमा सुरक्षार्थ खटिएका नेपाल प्रहरीका इन्स्पेक्टरसहित दुई जना घुस लिँदालिँदै पक्राउ परेका छन् ।

बैदेशिक रोजगारीमा जान लागेका एक युवालाई रेष्टुरेन्टमा बोलाएर रकम लिँदै गरेका इन्स्पेक्टर राजन थापा र असइ विश्वेश्वर आचार्य रंगेहात पक्राउ परेका हुन् ।

अख्तियार दुरुपयोग अनुसन्धान आयोगको टोलीले उनीहरुलाई ७५ हजार नगद रुपैंया सहित पक्राउ गरेका हो । उनीहरुलाई हिरासतमा राखी अनुसन्धान थालिएको अख्तियारले जनाएको छ ।