विराटनगर, १ भदौ । नेकपा एमालेका बरिष्ठ नेता माधवकुमार नेपालले सातबुँदे सहमति कार्यान्वयन गराउने कुरामा राष्ट्रपति र उपराष्ट्रपतिको अनुमोदन तत्कालै गर्नुपर्ने भन्ने कुरा उल्लेख नभएको बताउनु भएको छ ।
उहाँले आइतवार विराटनगरमा सञ्चारकर्मीसँग तत्कालै राष्ट्रपति र उपराष्ट्रपतिको अनुमोदन नगर्ने प्रष्ट पार्नुभएको हो ।
‘राष्ट्रपति र उपराष्ट्रपतिको अनुमोदनका विषयमा कांग्रेससँग छलफल भइरहेको छ,’ उहाँले भन्नुभयो, ‘यस्ता प्राविधिक कुरालाई बसेर टुंग्याउन सकिन्छ ।’
उहाँले माघ ८ गते संविधान जारी भएपछि मात्रै नेपाली कांग्रेस र एमालेले राष्ट्रपति र प्रधानमन्त्री छान्ने जानकारी समेत दिनुभयो ।
उहाँले सरकारको कार्यशैलीको भने आलोचना गर्नुभयो । ‘सरकारको कार्यशैली अहिले पनि सुस्त छ,’ उहाँले भन्नुभयो, ‘जनताका समस्या हल गर्न मात्र होइन, संवैधानिक नियुक्तिहरुको विषयमा पनि सरकार अझै गतिशील हुनुपर्छ ।’
प्रतिक्रिया