काठमाडौ। सुन तस्करीको अभियोगमा तीनजना भारतीय नागरिक पक्राउ परेका छन् ।
फ्लाइ दुबइको विमानबाट दुबइहुँदै त्रिभुवन विमानस्थलमा अवतरण भएका भारत राजस्थानका लक्ष्मी सोनी, बृज मन र राजकुमार सोनीलाई पाँच किलो सुनसहित पक्राउ गरिएको त्रिभुवन अन्तर्राष्ट्रिय विमानस्थल प्रहरी कार्यालयले जनाएको छ ।
शंका लागेर अभियुक्तहरूको सुटकेस जाँच गर्दा लक्ष्मी सोनीले बोकेको सुटकेसबाट एक हजार ६ सय ८३ ग्राम, बृज मनको सुटकेसबाट एक हजार ६ सय ७५ ग्राम र राजकुमार सोनीको सुटकेसबाट एक हजार ६ सय ९५ ग्राम सुन बरामद् भएको थियो ।
तीनैजना अभियुक्तलाई राजस्व अनुसन्धान विभागको हिरासतमा राखेर अनुसन्धान थालिएको जनाइएको छ ।
प्रतिक्रिया