३० कार्तिक २०८३, सोमबार

सर्लाहीमा बाक्लो कुहिरो, जनजीवन प्रभावित

0
Shares

फन्ट परिवर्तन गर्नुहोस:

  • change font
  • change font
  • change font


सर्लाही । सर्लाही जिल्लाको सदरमुकाम मलंगवासहित जिल्लाका विभिन्न स्थानमा आज बिहानैदेखि बाक्लो कुहिरो लागेको छ । बाक्लो हुस्सु र कुहिरोका कारण सडक तथा आसपासका क्षेत्रको दृश्यता कम भएको छ ।

कुहिरोका कारण सडकमा आवतजावत गर्ने सवारीसाधन तथा पैदल यात्रीलाई असहज भएको छ । विशेष गरी बिहानको समयमा सवारीसाधन सञ्चालन गर्दा चालकहरूलाई थप सावधानी अपनाउनुपर्ने अवस्था देखिएको छ ।

मौसममा आएको परिवर्तनसँगै तराईका जिल्लाहरूमा बिहानको समयमा कुहिरो देखिएको मौसम पूर्वानुमान महाशाखाले पनि जनाएको छ ।

स्थानीयवासीलाई कुहिरो लागेको समयमा सवारीसाधन चलाउँदा गति कम गर्न, फग लाइट प्रयोग गर्न तथा आवश्यक सावधानी अपनाउन प्रहरीले आग्रह गरेको छ ।