काठमाडौं । नेपाल प्रिमियर लिग (एनपिएल)को तेस्रो सिजन खेल्न कर्णाली याक्समा अनुबन्ध भएका मार्क वाट काठमाडौं आइपुगेका छन् ।
उनी आज त्रिभुवन अन्तर्राष्ट्रिय विमानस्थलमा अवतरण भएका हुन् ।
उनलाई कर्णाली याक्स स्पोर्ट्स प्रालिका प्रतिनिधिले स्वागत गरेका थिए ।
३० वर्षीय वाटले स्कटल्यान्डको लागि ट्वान्टी २० आईमा ८३ खेल खेल्दा ९४ विकेट लिएका छन् ।
त्यस्तै, उनले तीन सय २१ रन बनाएका छन् । समग्रमा उनले ट्वान्टी २० मा १३१ खेल खेल्दा १२३ विकेट लिनुका साथै ४०३ रन बनाएका छन् ।
दोस्रो एनपीएलमा समेत कर्णाली याक्सबाटै खेलेका वाटले ११४ रन बनाएका थिए ।
उनले मात्र ४१ बलमा कीर्तिमानी शतक प्रहार गरेका थिए । उनी आन्द्रेस गौसपछि एनपीएलमा शतक बनाउने दोस्रो खेलाडी समेत हुन् ।
प्रतिक्रिया