आरोपको निष्पक्ष छानबिन होस्, दोषी ठहरिए सजाय भोग्न तयार छु : पूर्वन्यायाधीस थपलिया

सबैमा नमस्कार!

विभिन्न सञ्चारमाध्यममा मेरो विषयमा प्रकाशित समाचार तथा ती समाचारका आधारमा सामाजिक सञ्जालमा व्यक्त भइरहेका धारणा र प्रतिक्रियाका सम्बन्धमा म आफ्नो धारणा सार्वजनिक गर्दै सम्बन्धित सबैमा केही सार्वजनिक अनुरोध गर्न चाहन्छु।

उच्च अदालतको न्यायाधीस पदमा कार्यरत रहदा नेपालको संविधानको धारा १५३(१) अनुसार गठित न्याय परिषदमा मेरो बिरुद्द कुनै मुद्दाको पक्ष वा कुनै नागरिकले पनि धारा १५३(३)(४) बमोजिम उजुरी नगरेको अवस्थामा, धारा १३२(१) संबैधानिक व्यबस्था बिपरित सर्बोच्च अदालतका न्यायाधीस श्री तिल प्रसाद श्रेष्ठ ( मेरो बिरुद उजुरी दर्ता हुदा उच्च अदालतको मुख्य न्यायाधिश पदमा कार्यरत) लाई सर्वोच्च अदालतमा नियुक्त्त गरि करिब ५ महिना पश्चात् म उपर छानबिन गर्न लगाइएको थियो | निज श्री तिल प्रसाद श्रेष्ठले बुझाएको प्रतिबेदन र प्रतिबेदन उपर धारा १५३(५) को संबैधानिक व्यबस्था अनुसार बिशेषज्ञबाट बिस्तृत छानबिनको लागि जांचबुज आयोग गठन गर्न माग गर्दा समेत त्यसको ब्यवास्ता गरि बुझाएको प्रतिबेदन र त्यस उपर प्रतिवादको मौका समेत नदिई हाल सम्म गुपचुप राखीएको प्रतिबेदनको आधारमा न्याय परिषदबाट मलाई पदमुक्त गरिएको निर्णय उपर सम्मानित सर्बोच्च अदालतमा मेरो रिट निबेदन विचाराधीन रही अन्तिम निर्णय हुन बाँकी रहेको हुँदा ममाथि लगाइएका आरोपहरूलाई अन्तिम रूपमा प्रमाणित भइसकेको निष्कर्षका रूपमा नलिइदिनुहुन अनुरोध गर्दछु। म सम्मानित सर्वोच्च अदालतबाट हुने अन्तिम निर्णय र कानुन बमोजिम हुने परिणामलाई स्वीकार गर्ने मेरो प्रतिबद्धता छ ।

तर, अन्तिम न्यायिक निर्णय हुनुअघि नै प्रकाशित समाचार वा सामाजिक सञ्जालमा व्यक्त धारणाका आधारमा कुनै व्यक्तिलाई दोषी ठहर गर्नु उचित हुन्छ कि हुँदैन भन्ने विषयमा पनि सबैले गम्भीरतापूर्वक सोचिदिनुहुनेछ भन्ने मेरो अपेक्षा छ।

मलाई मात्र होइन, मेरो घरपरिवारका सदस्यहरूलाई समेत संविधानप्रदत्त अधिकार अनुसार स्वतन्त्र, सम्मानजनक र भयमुक्त जीवनयापन गर्ने हक छ। विचाराधीन विषयमा अन्तिम निर्णय नहुँदै व्यक्तिको सामाजिक प्रतिष्ठा, व्यक्तिगत जीवन र परिवारको सम्मानमा पर्ने असरप्रति संवेदनशील भइदिनुहुन म सबैमा हार्दिक अनुरोध गर्दछु।

मिति २०८३ असोज २२ गते ११.५४ मा सेतोपाटि डिजिटल पत्रिकामा “चोलेन्द्र निकट भन्दै…….शीर्षकमा शोभा शर्मा र युनिक श्रेष्ठको नामको समाचार प्रकासन पश्चात सामाजिक संजालमा उत्त विषय संग सम्बन्धित प्रकासित समाचारमा निम्न तथ्यको पनि अनुसन्धान गरि समाचार प्रकासित गरिदिन अनुरोध गर्दछु :-

१. मैले मुद्दा मिलाउँन भनि एकजना महिलासंग ६० लाख मागेको भनि आरोप लगाएको छ, हालसम्म ति महिलासंग मेरो कुनै प्रकारो सम्बन्ध सम्पर्क छैन |

२. मसंग जोडिएर समाचार आएपछि उनको बारेमा उनको मुद्दाको कानुन ब्याबशायि साथीहरुसंग बुझ्दा पदमा संग्रौला हुनुहुदो रहेछ | त्यस बिषयमा उत्त मुद्दामा संलग्न कानुन व्यवसायी साथिहरुसँग

बुझ्दा थप प्रष्ट हुनेछ ।

३. मेरो उपर न्याय परिषदमा छानबिन चलिरहेको समयमा मिति मिति २०८० पुस १२ गते १५.०२ मा नेपाल प्रेस डिजिटल पत्रिकामा “ सर्बोच्चका श्रीमान…… शीर्षकमा प्रकासित समाचार र अडियो बार्ताबाट युनिटी लाईफका श्री सर्बोच्च अदालतमा मुद्दा विचाराधीन एक प्रतिवादी, श्री सर्बोच्च अदालतक न्यायाधीस श्री तिल प्रसाद श्रेष्ठ( हाल अवकास प्राप्त), न्याय परिषदमा तत्तकालिन समयमा कार्यरत सह सचिब मान बहादुर कार्की र सर्बोच्च अदालतमा तत्कालिन समयमा आइटि शाखामा कार्यरत आदर्श श्रेष्ठ ( तिल प्रसाद श्रेष्ठको ज्वाइँ नाताका, बहिनीको देवर ) बिच निज पदमा संग्रौलाको होटेल द एल्लो हाउसमा मेरो बिरुद्द बोलिदिएमा मुद्दाम सहयोह गरिदिने कुराकानी भएको भनि नेपाल प्रेसमा प्रकाशित समाचारमा आरोप लगाएको रहेछ |यस बिषयमा निज पदमा संग्रौलाले आफ्नो श्री काठमाडौँ जिल्ला अदालतमा बिचाराधिन मुद्धा नं. ०७९-C२- ०१३० मा मिति २०८० जेठ ३१ बयान गरेको देखिन्छ, यस सम्बन्धमा सत्य तथ्य सहित छानबिन गरि दोषी उपर कारवाहीको लागि अनुरोध गरेकि रहेछिन् |

४. सोहि युनिटी लाईफको श्री सर्बोच्च अदालतमा विचाराधीन मुद्दा नं. ०७४-CR- १११७ समेतको मुद्दा मिति २०८२ बैसाख २ गते तिल प्रसाद श्रेष्ठ सहितको संयुक्त इजलासबाट फैसला भइ उक्त्त फैसला उपर नेपाल सरकारको पुनरावलोकंनको निबेदन परि विचाराधीन छ | तथापी उक्त्त फैसला पश्चात जनताको नामबाट उठेको पैसाबाट खरिद गरिएको सम्पति के कस्तो अवस्थामा छ , छानबिन गर्न म नेपाल सरकारसंग अनुरोध गर्दछु|

म संग जोडिएर मुद्दा मिलाउँन भनि एकजना महिलासंग ६० लाख मागेको तथा युनिटी लाईफ ठगि मुद्दामा प्रकाशित समाचरको सम्बन्धमा म पनि न्यायाधिश समाजको सदस्य भएको नाताले मेरो छानबिनको कार्यमा संलग्न भइ तपाईंले गरेको काम कार्यको बिषयमा तपाइको नाम पनि जोडिएको कारण न्यायाधीशको हक हितका लागि स्थापित न्यायाधिश समाजका अध्यक्ष श्री तिल प्रसाद श्रेष्ठज्युसंग न्यायाधीस समाज र तपाईंको धारणा सार्बजनिक गर्न अनुरोध गर्दछु।

साथै म पनि न्यायपालिका संग जोडिएकोले म कोसंग कुन मुद्धा मिलाउन सामेल भए, मेरो काम कार्यले बिकृति , विसंगति रहित स्वत्रन्त्र न्यायपालिका निर्माणमा के असर पर्यो ? सत्य तथ्य प्रमाण सहित छानबिन गरिदोन र दोषि देखिएमा हदैसम्मको कारवाहीको भोग्न तयार रहेको अवगत गराउदै मेरो संबिधान र कानुनले सम्मानपुर्बक बाच्न पाउने हक सुरक्क्षित् गरिदिन म न्यायिक नेतृत्वसंग अनुरोध गर्दछु|

अन्त्यमा, कुनै व्यक्ति विशेषसँग चिनजान, सम्पर्क वा सम्बन्ध रहेको भन्ने आधारमा व्यक्तिको व्यक्तिगत काम कारबाहीलाई स्वतः त्यससँग जोडेर निष्कर्ष निकाल्नु, समाचार प्रकाशित गर्नु के न्यायाचोत हुन्छ ? म पनि यस देशको नागरिक तथा न्यायपालिकामा सेवा गरेको व्यक्ति भएकाले संविधान र कानुनले प्रदान गरेका हकबाट वञ्चित छैन। ममाथि लागेका आरोपहरूको निष्पक्ष छानबिन हुनुपर्छ भन्ने कुरामा मेरो कुनै आपत्ति छैन। म राज्यका सम्बन्धित निकायबाट संविधान र प्रचलित कानुन बमोजिम हुने छानबिनमा उपस्थित भई सहयोग गर्न प्रतिबद्ध छु। तर, छानबिनको निष्कर्ष र न्यायिक निर्णय आउनुअघि नै आरोपलाई अन्तिम सत्यका रूपमा प्रचार गरिँदा व्यक्तिको सामाजिक प्रतिष्ठा, मानसिक शान्ति, व्यक्तिगत स्वतन्त्रता र परिवारको जीवनमा गम्भीर असर पर्न सक्छ। त्यसैले, मसँग सम्बन्धित विषयमा समाचार प्रकाशन गर्दा तथा सामाजिक सञ्जालमा धारणा व्यक्त गर्दा मेरो परिवारको गोपनीयता, सम्मान र स्वतन्त्र जीवनयापन गर्ने अधिकारलाई समेत ध्यानमा राखिदिनुहुन हार्दिक अनुरोध गर्दछु।