काठमाडौं । लक्ष्मी सनराइज क्यापिटल लिमिटेडले गत भदौ १० रसुवा लगायतका क्षेत्रमा गएको बाढीबाट प्रभावित नागरिकहरुको राहत तथा पुनर्स्थापनाका लागि प्रधानमन्त्री दैवी प्रकोप उद्धार तथा राहत कोषमा कम्पनी तथा कम्पनीमा कार्यरत कर्मचारीहरुको तर्फबाट २१ लाख ५७ हजार ४१८ रुपैयाँ सहयोग गरेको छ ।
भोटेकोशी तथा आसपासका क्षेत्रमा आएको बाढीेका कारण प्रभावित नागरिकहरुको आवश्यकता सम्बोधन गर्न, राहत तथा उद्धारका प्रयासमा सहयोग पुर्याउन र प्रभावित समुदायको पुनर्स्थापनामा योगदान गर्ने उद्देश्यले उक्त रकम सहयोग प्रदान गरिएको कम्पनीले जनाएको छ ।
विपद्को यस कठिन परिस्थितिमा सहयोगी समुदायप्रति ऐक्यबद्धता व्यक्त गर्दै लक्ष्मी सनराइज क्यापिटलले आफ्नो सामाजिक उत्तरदायित्व बहन गर्न तथा कर्मचारीहरुको व्यक्तिगत योगदानबाट संकलन गरी उक्त रकम राहत कोषमा जम्मा गरिएको जनाएको छ ।
लक्ष्मी सनराइज क्यापिटलले यस विपद्को कारण ज्यान गुमाउनेहरुप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति समवेदना प्रकट गरेको छ । साथै, सकुशल उद्धार गरिएका घाइतेहरुको शीध्र स्वास्थ्यलाभको समेत कामना गरेको छ ।
प्रतिक्रिया