श्रीलंकालाई हराउँदै भारतले जित्यो महिला एसिया कपको उपाधि

काठमाडौं । भारतले आठौं पटक महिला एसिया कपको उपाधि जितेको छ ।

आइतबार दुबई अन्तर्राष्ट्रिय क्रिकेट रंगशालामा सम्पन्न फाइनल खेलमा साविक विजेता श्रीलंकालाई ७२ रनले पराजित गर्दै भारतले उपाधि जितेको हो ।

फाइनलमा टस जितेर पहिला ब्याटिङ गरेको भारतले निर्धारित २० ओभरमा ५ विकेट गुमाएर १८३ रन बनाएको थियो । शफाली वर्मा र स्मृति मन्धनाले पहिलो विकेटका लागि १२९ रनको कीर्तिमानी साझेदारी गरे ।

१८४ रनको लक्ष्य पछ्याउने क्रममा श्रीलंकाको सुरुवात राम्रो हुन सकेन । पहिलो ओभरमै ४ रन बनाएर इमेषा दुलानी आउट भइन् ।

श्रीलंका निर्धारित २० ओभरमा १११ रनमा अलआउट भएको थियो ।

श्रीलंकाले भारतलाई पराजित गर्दै सन् २०२४ मा एसिया कपको उपाधि जितेको थियो ।