भारतमा भेटियो सातजनाको शव, नेपालबाटै बगेर गएको आशंका

काठमाडौं । भारतको सीमावर्ती क्षेत्रमा सातजनाको शव फेला परेको छ ।

उत्तर प्रदेशका महराजगञ्ज र कुशीनगर जिल्लामा गण्डक (नारायणी) नदीबाट सातवटा शव बरामद भएको हो । अधिकारीहरूका अनुसार बरामद शवमध्ये पाँच महिला र दुई पुरुषका छन् ।

ती शव नेपालमा आएको बाढीका क्रममा नदीमा बगेको र तीव्र बहावसँगै भारततर्फ आइपुगेको हुन सक्ने आशंका गरिएको छ । हालसम्म शवको सनाखत हुन सकेको छैन ।