काठमाडौं । लक्ष्मी सनराइज बैंक लिमिटेडले आजदेखि ३ अर्ब रुपैयाँ बराबरको ‘७ प्रतिशत लक्ष्मी सनराइज डिबेञ्चर २०९२’ बिक्रीका लागि सार्वजनिक निष्कासन खुला गरेको छ ।
बैंकले प्रतिकित्टा १ हजार रुपैयाँ अंकित दरका ३० लाख कित्ता ऋणपत्र जारी गरेको हो ।
कुल निष्कासनमध्ये १८ लाख कित्ता व्यक्तिगत तवरबाट बिक्री गरिनेछ भने १२ लाख कित्ता सर्वसाधारणका लागि छुट्याइएको छ । सार्वजनिक निष्कासनतर्फको ५ प्रतिशत अर्थात् ६० हजार कित्ता सामूहिक लगानी कोषका लागि सुरक्षित गरिएको छ ।
१० वर्ष अवधि र ७ प्रतिशत वार्षिक ब्याजदर रहेको यो ऋणपत्रमा लगानीकर्ताले न्यूनतम २५ कित्ता र अधिकतम सम्पूर्ण कित्ताका लागि आवेदन दिन सक्नेछन् । आवेदन सी–आस्बा सेवामा सहभागी बैंक तथा वित्तीय संस्था र तिनका शाखामार्फत दिन सकिनेछ । छिटोमा साउन १९ गते र ढिलोमा साउन २८ गते बैंकिङ समयपछि बिक्री बन्द हुनेछ ।
ऋणपत्रको निष्कासन तथा बिक्री प्रबन्धक माछापुच्छ्रे क्यापिटल लिमिटेड रहेको छ ।
प्रतिक्रिया