काठमाडौं । यामाहा नेपालको आयोजनामा यही जुलाई २७ देखि ३१ सम्म थाइल्याण्डको पटायामा सम्पन्न हुन गइरहेको ‘ब्लु सर्ज पावरिङ अहेड टुगेदर’ पार्टनर्स मिट २०२६ मा सहभागी हुन यामाहा नेपालका देशभरका साझेदारहरू त्यसतर्फ प्रस्थान गरेका छन् ।
कम्पनीका अनुसार यस कार्यक्रमले देशभर रहेका यामाहा साझेदारहरूलाई एकै स्थानमा भेला गराएर उत्सव, सिकाइ तथा साझा भविष्यको दृष्टिकोणलाई अघि बढाउने अपेक्षा गरिएको छ । यसलाई यामाहा नेपालको नेटवर्कले योजना गरेको अहिलेसम्मकै सबैभन्दा महत्वपूर्ण कार्यक्रमहरूमध्ये एकको रूपमा हेरिएको छ।
एमएडब्लु राइड्स प्रालिका अध्यक्ष विष्णुकुमार अग्रवाल यामाहा नेपाल टिम र डिलरहरूसँगै यस कार्यक्रममा सहभागी हुन थाइल्याण्ड प्रस्थान गरेका छन् ।
यामाहा नेपालसँगको साझा यात्रालाई उत्सवका रूपमा मनाउन आयोजित यस कार्यक्रममा उनीहरूको सहभागिताले देशभरका डिलरहरूसँग यामाहा नेपालको सुदृढ र निरन्तर विस्तार हुँदै गएको साझेदारीको सम्बन्धलाई झनै बलियो बनाएको कम्पनीले जनाएको छ ।
कार्यक्रममा यामाहा मोटरका अध्यक्ष हाजिमे आओटाको विशेष उपस्थिति रहेको छ । साथै, कार्यक्रमले नेपालका साझेदारहरूलाई यामाहाको विश्वव्यापी नेतृत्वसँग प्रत्यक्ष संवाद गर्ने तथा भविष्यमा ब्रान्डले लिने रणनीतिक दिशाबारे जानकारी हासिल गर्ने अवसर पनि प्रदान गर्ने कम्पनीले जनाएको छ ।
कम्पनीका अनुसार कार्यक्रमअन्तर्गत सञ्चालन हुने विभिन्न सत्र तथा विशेष समारोहमार्फत नेपाली साझेदारहरूको योगदानको सम्मान गरिनुका साथै आगामी वर्षको साझा विकास यात्राका लागि स्पष्ट दिशा समेत तय गरिनेछ । यस कार्यक्रमले यामाहा नेपाल र यसका साझेदारबीचको सुदृढ र निरन्तर मजबुत बन्दै गएको सम्बन्धलाई प्रतिबिम्बित गर्छ । देशका विभिन्न स्थानबाट साझेदारहरूलाई विदेशमा एउटै साझा मञ्चमा एकत्रित गर्नुले एकता र दीर्घकालीन साझेदारीप्रति यामाहा नेपालले दिएको महत्वलाई झन् स्पष्ट बनाएको छ ।
प्रतिक्रिया