बालेनको प्रधानमन्त्रीको शपथका दिन यस्तो छ कार्यतालिका

काठमाडौं । राष्ट्रिय स्वतन्त्र पार्टीका वरिष्ठ नेता बालेन शाहले पर्सी शुक्रबार (चैत १३ गते) प्रधानमन्त्रीको शपथ लिँदै छन् ।

उनको शपथको तयारी तीव्र रूपमा भइरहेको छ । उनले धार्मिक विधीसहित शपथ लिन लागेका हुन् । उनले मध्याह्न १२ः३४ बजेको शुभ साइतमा शपथ लिनेछन् ।

शपथ कार्यक्रममा ७ वटा शंखबाट शंखनाद गरिनेछ। यसैगरी, १०८ जना बटुकले स्वस्ति वाचन गर्ने र १६ जना भिक्षुबाट अष्ठमंगल पाठ समेत गर्ने कार्यक्रम छ।

सम्पूर्ण विधीसहित शपथ लिएपछि बालेनले २ः१५ बजे सिंहदरबारस्थित प्रधानमन्त्री तथा मन्त्रिपरिषद कार्यालयमा पदभारग्रहण गर्ने तय भएको हो ।