भेनेजुएलाको राष्ट्रपति भवन नजिकै फेरि गोलीबारी, शंकास्पद ड्रोनहरू देखिए

काठमाडौं । भेनेजुएलाको राजधानी काराकासस्थित राष्ट्रपति भवन नजिकै फेरि गोलीबारी भएको छ । अमेरिकी आक्रमणको दुई दिनपछि राष्ट्रपति निवास मिराफ्लोरेस भवन नजिकै गोलीबारी भएको हो ।

आकाशमा धेरै शंकास्पद ड्रोनहरू देखिएको छ । सेनाले ड्रोनहरू खसाल्ने प्रयास पनि गरेको छ ।

आक्रमण कसले गर्‍यो भन्ने अझै स्पष्ट भएको छैन । यो आक्रमणले भेनेजुएलामा फेरि एकपटक आतंक मच्चाएको छ । भेनेजुएलाको सेनाले अनुसन्धान सुरु गरेको जनाएको छ ।

हालै संयुक्त राज्य अमेरिकाले भेनेजुएलामाथि आक्रमण गरेर त्यहाँका राष्ट्रपति निकोलस मादुरो र उनकी श्रीमती सिलिया फ्लोरेसलाई पक्राउ गरेर न्यूयोर्क लगेको छ ।