काठमाडौं, १० भदौ । उपसभामुख इन्दिरा रानामगर जोडिएको संस्था ‘पीए नेपाल’ले बालमन्दिरबाट लगिएका पाँच बालबालिका अहिले अध्ययनरत रहेको जानकारी दिएको छ।
२०७२ कार्तिकमा सिफलस्थित बालगृहबाट बालबालिका लगिएको र उनीहरू नफर्किएको घटना सार्वजनिक भएपछि प्रहरीको केन्द्रीय अनुसन्धान ब्युरो (सीआईबी) अन्तर्गतको मानव बेचबिखन ब्युरोले चासो राखेको थियो।
प्रहरीलाई पठाइएको जवाफमा पीए नेपालले ती बालबालिका अहिले कक्षा १२ र बिए स्तरमा पढिरहेका बताएको छ। ब्युरोका एसपी नरेन्द्र कुँवरका अनुसार संस्थाले अभिभावकको अनुमति लिएरै बालबालिका लगिएको दाबी गरेको छ।
कुँवरले भने, “उहाँहरूले पढ्दै गरेको बताएका छन्, हामी यसबारे क्रस–भेरिफिकेसन गर्छौँ।”
प्रतिक्रिया