जीबी सहित १८ जनालाई स्वदेश फर्काउन समितिको निर्देशन

काठमाडौं, १४ साउन । सहकारी संसदीय छानबिन समितिले सहकारी ठगी गरेर विदेशमा रहेकालाई स्वदेश फर्काउन आदेश दिएको छ ।

आज बसेको समितिको बैठकले गृहमन्त्री रमेश लेखक तथा गृहसचिव एकनारायण अर्यालसँग छलफल गर्दे फरार रहेका १८ जनालाई पक्राउ गर्न र स्वदेश फर्काउने व्यवस्था गर्न निर्देशन दिएको हो।

समिति सभापति सूर्यबहादुर थापा क्षेत्रीले सहकारीको रकम अपचलनमा मुछिएका १८ जनालाई खोज्न, स्वदेश फर्काउन र छानबिन प्रक्रियामा सघाउन गृहमन्त्रीलाई निर्देशन दिएको जानकारी दिनुभयो ।