उत्तम अधिकारी
यूएई । काभ्रेको पनौती नगरपालिकास्थित ज्ञान बिकास सामुदायिक पुस्तकालयको भवन निर्माण सहयोगार्थ एनआरएनए यूएईको दुबई क्षेत्रीय समितीले आर्थिक सहयोग प्रदान गरेको छ। र
बिक्रम सम्वत २०१२ मा स्थापित उक्त पुस्तकालयको भवन पुरानो भएकाले त्यसलाई भत्काएर नयाँ आधुनिक भवन निर्माण कार्य भइरहेको छ। पनौती नगरपालीका वार्ड नं ७ मा निर्माणाधीन उक्त भवन रेड नेपाल, पनौती नगरपालिका, पनौती जिविस र बिभिन्न सहयोगी संस्था तथा व्यक्तिहरुको आर्थिक सहयोगमा बन्न लागेको हो। यसका लागि एनआरएनए यूएईको दुबई क्षेत्रीय समितीका तर्फवाट अध्यक्ष दामोदर दाहालले सहयोग स्वरूप २५ हजार ५ सय ५५ रुपैयाँ नगद हस्तान्तरण गरेका हुन्।
पुस्तकालयको कार्यालय प्राङ्गणमा गत जेठ ९ गतेका दिन उक्त पुस्तकालयका अध्यक्ष महेश कुमार कर्माचार्यलाई सो रकम हस्तान्तरण गरिएको हो। यहि भाद्र २८ गते पुस्तकालयको नयाँ भवनको उद्घाटन हुदैछ।
समितिले केही समय अघि दुबईमा आयोजना गरेको नयाँ बर्ष २०७१ सालको बनभोज कार्यक्रमबाट बचेको रकमलाई सामाजिक कार्यका लागि सहयोग गरिएको जनाएको छ ।
एनआरएनए यूएईको दुबई क्षेत्रीय समितिले यस अघि पनि मानविय सेवाका क्षेत्रमा कार्यरत सहयोगी सँस्थाहरुलाई सहयोग उपलब्ध गराउदै आएको छ ।
प्रतिक्रिया