श्रीमानलाई धोका दिएको भन्दै यी हिरोइन घरबाटै पक्राउ

मुम्बई । श्रीमानलाई धोका दिएको भन्दै एक हिरोइनलाई प्रहरीले अदालतको आदेशमा पक्राउ गरेको छ ।

प्रहरीले पाकिस्तानकी अभिनेत्री मीरालाई आइतबार उनकै घरबाट पक्राउ गरी अदालतको आदेश अनुसार हिरासतमा राखेको भारतीय सञ्चारमाध्यमले जनाएका छन् । मीराविरुद्ध लाहौरको कैण्ट अदालतका सिविल जजले प्रहरीलाई पक्राउ आदेश दिएका हुन ।

मीरामाथि आरोप छ कि उनले आफ्नै श्रीमानलाई धोका दिएकी छिन् । डेली टाइम्सका अनुसार (इर्तिजा रुबाब) उनलाई फिल्मी नाम मीरा भनेर चिनिन्छ । उनी विरुद्ध अतिकुर्रहमानले उजुरी दर्ता गरेका थिए ।

अतिकुर्रहमान मीराका श्रीमान हुन् । र उनको आरोप छ कि मीराले उनलाई धोका दिएकी छिन् । जजले आगामी सुनवाईमा मीरालाई अदालतमा पेश गर्न प्रहरीलाई निर्देशन दिएको छ ।

आफूलाई मीराको श्रीमान बताउने रहमानका अनुसार मीराले उनसँग विहे गरिन । तर फेरि उनले क्याप्टेन नवेद परवेज नामका व्यक्तिसँग गुपचुपमा दोस्रो विहे गरिन् ।

रहमान भन्छन्-‘मेरी श्रीमती हुँदाहुँदै मीरा दोस्रो विहे गर्नै सक्दिनन् ।’ यसैका कारण रहमानले लाहौर कोर्टमा मुद्दा दर्ता गरेका हुन् । कयौं पटक अदालतको पत्रलाई बेवास्ता गरी कोर्टमा हाजिर नभएको भन्दै मीराविरुद्ध पक्राउ पुर्जी जारी गरिएको समाचारमा जनाइएको छ ।

मीराले बलिउड फिल्म ‘नजर’ र ‘कसक’ नामको दुई फिल्ममा काम गरिसकेकी छिन् । एजेन्सी