काठमाडौं, २९ मंसिर । धनुषामा मोटरसाइकल दुर्घटना हुँदा दुई जनाको मृत्यु भएको छ भने एक जना घाइते भएका छन् ।
शुक्रबार बिहान लक्ष्मीनियाँ गाउँपालिका ४ सपही नजिकै अनियन्त्रित भएर दुर्घटना हुँदा दुई जनाको मृत्यु भएको हो ।
मृत्यु हुनेमा विदेह नगरपालिका १ का ३० वर्षीय जयकुमार सहनी र कमला नगरपालिका ८ का २५ वर्षीय भरत सहनी रहेको धनुषाका प्रहरी प्रवक्ता डिएसपी रञ्जन अवाले जानकारी दिए ।
दुर्घटनामा मोटरसाइकलमै सवार जनकपुरधाम उपमहानगरपालिका १२ का शत्रुधन सहनी गम्भीर घाइते छन् । उनलाई थप उपचारका लागि काठमाडौंको न्यूरो अस्पताल ल्याइएको छ ।
बिहान जनकपुरधामबाट ढल्केबर तर्फ जाँदै गरेको प्रदेश २–०२–००२ प ४०९२ नम्बरको मोटरसाइकल लक्ष्मीनियाँ गाउँपालिका ४ सपही नजिकै अनियन्त्रित भएर दुर्घटना भएको डीएसपी अवाले बताए ।
प्रतिक्रिया