त्रिभुवन विमानस्थलमा महिला यात्रुको झोलाबाट धुँवा निस्किएपछि…

काठमाडौं, १७ मंसिर । त्रिभुवन अन्तर्राष्ट्रिय विमानस्थलमा जहाज कुरेर बसेकी एक महिलाको झोलामा आगो लागेको छ ।

चीन जान विमानको प्रतिक्षा गरेर बसेकी चिनियाँ महिलाको झोलाबाट एक्कासी धुँवा निस्किएपछि केहीबेर माहोल तनावग्रस्त बनेको थियो ।

धुँवा निस्किएपछि विमानस्थलका सुरक्षाकर्मीले तत्कालै महिलालाई नियन्त्रणमा लिएर आगो निभाएका थिए । चेकजाँचका क्रममा झोलामा पावरब्यांक पड्किएर आगो लागेको पाइएपछि महिलालाई छाडिएको थियो ।

अरू केही क्षति नभएको प्रहरीले जनाएको छ ।