एमालेले कोशीका मुख्यमन्त्री कार्कीलाई विश्वासको मत दिने

विराटनगर, १ कात्तिक । नेकपा एमालेले कोशी प्रदेशका मुख्यमन्त्री केदार कार्कीलाई विश्वासको मत दिने भएको छ ।

आज बसेको संसदीय दलको बैठकले मुख्यमन्त्री कार्कीलाई विश्वासको मत दिने निर्णय गरेको हो ।

नेपाली काँग्रेसको शेखर कोइराला पक्षबाट विद्रोह गरेर मुख्यमन्त्री बनेका कार्कीलाई एमालेका ३९ जना सांसदसहित ८ जना काँग्रेसका सांसदले समर्थन गरेका थिए ।

मुख्यमन्त्री कार्कीले आज विश्वासको मत लिने तयारी गरेका छन् ।

कार्कीलाई यसअघि काँग्रेस, माओवादी केन्द्र, एकीकृत समाजवादी पार्टीले पनि विश्वासको मत दिने निर्णय गरिसकेका छन् ।