विश्व कप छनोट : नेपाल र लाओस बराबरीमा रोकिए, अर्को खेल असोज ३० गते

काठमाडौं, २५ असोज । विश्वकप छनोटअन्तर्गत आज भएको पहिलो चरणको खेलमा नेपाल र लाओस बराबरीमा रोकिएका छन् ।

त्रिपुरेश्वरस्थित दशरथ रङ्गशालामा भएको खेलमा दुबै टीम १–१ को बराबरी रोकिएका हुन् ।

पहिलो चरणको विश्वकप छनोट दुई लेगको फर्म्याटमा खेलाइने छ । एसियाली टोलीहरु मध्यको वरियतामा सबैभन्दा तल रहने २० टोली पहिलो चरण खेल्दै छन् ।

नेपाल र लाओस बीचको दोस्रो खेल असोज ३० गते लाओसमा हुने छ । दुई खेलमा अघि रहने टोली छनोटको दोस्रो चरणमा प्रवेश गर्नेछ ।