काठमाडौं, २१ असोज । आईसीसी एकदिवसीय विश्वकप क्रिकेटमा आज घरेलु टोली भारत र अष्ट्रेलियाबीच प्रतिस्पर्धा हुँदैछ ।
दुई उपाधि दावेदारबीचको भिडन्त चेन्नईको एम चिदम्बरम स्टेडियममा नेपाली समयअनुसार दिउँसो सवा २ बजे सुरु हुनेछ ।
पाँच पटकको ओडीआई विश्वकप विजेता अस्ट्रेलिया र दुई पटकको च्याम्पियन भारत जितसहित प्रतियोगितामा सुखद सुरुवात गर्ने योजनासहित मौदान उत्रने छन् ।
दुवै टोलीमा विश्वस्तरीय ब्याटर, बलर र अलराउन्डरको बर्चस्व भएकाले खेल प्रतिस्पर्धात्मक र रोमाञ्चक हुने अनुमान छ ।
दुई देशबीच हालसम्म १ सय ४९ ओडीआई खेल खेलिएकोमा भारतले ५६ र अस्ट्रेलियाले ८३ खेल जितेको छ ।
विश्वकपमा दुई देश १२ पटक आमनेसामने हुदाँ अस्ट्रेलियाले ८ खेल जित्दा भारत मात्र ४ खेलमा विजयी भएको छ ।
प्रतिक्रिया